- M Sinopsis lakon carangan hasil kreasi para dalang tentu berbeda-beda, berikut ini lakon carangan petruk dadi ratu:
Prabu Tongtongsot belgedhuweh beh nembe kaadep dhening prabu Jaya sentika.Prabu Jaya sentika teluk marang prabu Tongtongsot lan masrahaken negari Lotjitengara dhumateng prabu Tongtongsot. Prabu Jaya sentika ugi nyumangga aken catur garwane supadhos ka garwa dhening prabu Tongtongsot.
Inggih menika dewi Retna ningsih,Retna wati,Retna ningrum,lan dewi Retna wulan. Datan maewu-ewu wanita ingkang sulistyo ing warni wau. Dumadakan rawuhe sang abdi Jumanak arsa sapu-sapu.
Eloking lampahan sang prabu Tongtongsot malah kasengsem ing penggalih. Prabu Tongtongsot: hey Jaya sentika adik ku yen iki malah aku gelem. Prabu Jaya sentika:duh sinuwun Jumanak niku namung abdi lho,kamangka kang prabu niku ratu gung binathara? Prabu Tongtongsot:ngertia heh kabeh wae! Aku iki ratu yen pengin golek wong ayu gampang. Nangging aku duwe karep arsa ngluhurake sipating abdi.
Geger njaba_ praptane patih Bushadata kang paring atur praptane bala tri nagari kang sampun sikep gegaman arsa nggepuk Lotjitengara. Bala tri nagari (Mandura,Dwarawati,Amarta) kang den pandegani dening prabu Baladewa,Arya setyaki dalah para pandawa. Sigra kapapag dhening patih Bashudata lan Bashudati,prbu Jaya sentika,lan prabu Tongtongsot. Bala tri negari kasoran lan dados telukan.
Tebih ingkang wonten padukuhan Karang kadempel:Ki lurah Semar dalah Gareng,lan Bagong nembe kemawon rembugan bab murcane Petruk kanthong bolong.Dereng antawis dangu nggenya wawan rembug praptane ratu gung Sri bathara kresna. Kresna : jan nganeh-anehi kakang Semar, ana sawijining ratu anyaran kang nyalawadi? Ayo apa ta darunane budhal!
Lotjitengara :prabu Tongtongsot nembe nyugata marang kawulane daharan kang sarwo miraos.Beksan robyong kang edi peni,olah seni kang sarwo endah. Purna kembul bujana gya ngandika prabu Tongtongsot:ingsun arsa paring gawean marang sira kabeh.Prabu Baladewa sira dadiya tunggu manuk neng sawah suara mu banter lan medeni.
Mangkono sak banjure Werkudara jaga pakunjaran.Punthadewa tukang dondom.Arjuna tunggu wong lara,Gathotkaca ngepek krambil,Nakula, Sadewa angon bebek. Sak rampunge andrawina prabu Tongtongsot arsa semedi, nalika semono prabu Tongtongsot rengeng-rengeng pupuh dhandang gula yen peteng aja liwung, yen padang aja mbungahi. Kesaru rawuhe prabu Kresna,Semar,Gareng,lan Bagong.
Ki lurah Semar: heh Petruk leren ono oleh mu ngaku -ngaku raja agung! Prabu Tongtongsot:Petruk ki sapa kyai? Ki lurah Semar:ngerti a aku iki bapak mu, kowe bisa ngapusi wong akeh nanging tetep bapak mu ora bisa kok apusi!
Sak lajenge prabu Tongtongsot lukar busana,ngaken ni lepat sak jatos se namung Petruk kanthong bolong ingkang memba warna.Nyuwun pangapunten dhumateng kang rama ki lurah Semar,para raja lan ksatria ingkang wonten mriku dalah para kawula.
Petruk:nyuwun pangapunten maleh ndara Punthadewa kula namung nguji daya ne jimat Kalimasada.Jebul kula saged dados tyang ingkang tanpa tanding, monggo jimat kula kondhuraken dhumateng paduka. Lan patih Bashudata menika arya hanoman supadhos aman njagi jimat Kalimasada. Punthadewa :iya petruk ora dadi ngopo ,mbok menawa ingsun ingkang dadi raja asring lena lan sak wiyah-wiyah marang kawula ku? Dadi kudu ono lakon kaya mengkene supaya dadi pelajaran. Sak banjure ayo pada kondhur marang Amarta.
Comments
Post a Comment