lakon dewaruci

Berikut ini percakapan bima / Bratasena dengan Dewa Ruci dalam bahasa jawa: Bratasena: aku gumun tanpa upama rumangsaku kaya wis ngancik jaman pati? Babar pisan aku ora ngerasa urip, jebul dak gegisik sarandu neng badan ku nganti tekan dlamakaning suku isih krasa yen ngambah bumi. sirna pepalanganing samudra wujuding naga ingkang anyaut pupuku, ora kanti tak nyana -nyana aku ketangsang ana daratan kang kinepung samudra? Kang rerenggane sarwo endah, kabeh tetukulan ing kene pating bendoyot, kabeh dumadi sarono cahya. parandene pepadhang mau isih kalah kekuwunge kalawan pepadhang kang angiring lakune bocah bajang. Mara gage bocah bajang ngakuo kowe ijen dholan neng kene sapa sing ngeterke, lan geneya kowe ora kasangsaya polahe para mina kang ngelak ngagak -agak kepengin Ngombe gethie manungsa? Dewa Ruci: Bratasena, sira aja gumampang lunga yen durung ngawruhi papan kang bakal kok jujug! aja gampang memangan yen durung ngawruhi rasa paedahe kang di pangan! aja pisan manganggo yen datan ngawruhi carane ngrasuk busana! Ngibaratake ing Nguni ana jejugul saka Wukir anggone lunga menyang praja kepengin buku kencana, banjur njujug ing kemasan mung di wenehi dluwang kuning di anggep sawijining kencana mulya.Mula kulinakna mahasing asamun nggatekna marang ngelmu rewes kang sarta tuwajuha khusyuk marang panembah! Manungsa weruh e krana tetakon, bisane krana neniru, pinter e mergo kulina.Kawruhana Bratasena ulun iki dewa ne kabahagyan, dene berbisik ulun sanghyang batara Dewaruci sang marbudyeng rat.Bratasena luwih dhisik satata, a. Bratasena: inggih ngestokaken dawuh pikulun, sak dereng lan sak sampunipun titah pujangkara pun Bratasena ngaturaken sumengkeming pangabekti kula mawantu-wantu konjuka paduka sang batara, inggih sang marbudyeng rat. Dewaruci: iya-iya wus ulun tampa kita atur pangabekti, kajaba saka iku Bratasena apa ta sebabe jeneng kita tilar kamukten praja hamilulu mahasing asamun tekan kene? apa kang sira upadi? Ing kene dudu papane kamulyan, ing kene dudu papane kamukten! ingkang ana amung pirang-pirang kang sejatine dudu perantine manungsa, apa ora jeneng kecelik lekasmu kang kaya mangkana? Bratasena: duh pikulun awrat ngemban dawuhing sang guru. Anggen kula kepengin angregem andaran sampurnaning dumadi, pari kedah kula angulari wujuding rerupan ingkang winastan tirta mahening suci. Saged keluhuran dene kula pinanggih lan paduka pikulun, keparenga paduka anedahaken pundhi ingkang winastan tirta Pawitra mahening suci? Dewaruci: kang sinebut tirta kuwi banyu, gumelare dadi panguripan. Pawitra tegese bening. dadi banyu bening ora mung di sawang saka weninge banyu, nanging uga di jupuk daya gunane kanggo nguripi sadengah titah ora ngemungake ingkang asipat manungsa, sanadyan kutu -kutu walang atogo uripe ora bisa di pisahke klawan kang sinebat tirta. Mahening saka tembung lingga maha lan hening. mangkana gumelare mujudake sawijining katentreman lahir lan batin. Suci: tegese kinalisake ing saliring dedosan, dene munggah cetane, jroning urip sira ngudiya marang panguripan kang bisa andayani katentremaning lahir lan batin, sarta bisa ngipatake pirang-pirang dedosan mangkono kang sinebat suci!

https://www.kuswantokhalif.blogspot.com