Dasamuka ngrabasa kahyangan cerita wayang kulit jawa

Ora ana ada kalegan tumrape wong kang angkara murka senajanta kapenggak dening kang paman lan para rayinira Kumbakarna, Sarpakenaka, lan Gunawan Wibisono. Nangging Dasamuka mboten kersa ngundhurke kekarepan nira ngrabasa kahyangan, sak harus mboyong widhodari. 

Prahasta tumuli matur: Sareh ngger, kasubdiyan saha kasekten jengandika kula sampun angkeni menawi anak prabu kegadhahan kasekten tanpa tanding.

Nanging, tumindhak paduka ingkang ngrabasa kahyangan menika arupi tumindhak ingkang nista. Sayektine badhe nampi soting Bathara. 

   Sapa kang bakal murka marang jenengan ingsun man Prahasta?

Inggih sedaya para dewa, brahmana, resi lan sedaya para ambeg suci.

     Negara kuwi man, dadi sentosa ora saka tumindhak e para brahmana, muni, resi, lan para ambeg tapa! Nanging daya kekuatan ne paprentah, aku bakal mbuktiake!

Baca juga : Lahir nya Gathotkaca

Raden Kumbakarna matur: duh kakang prabu lilanana adimu matur, ada tetimbangan kang tuwuh saka jroning ati adhi-adhimu.

    Kowe tak lilani micara aku ora bakal ngrungokake.

Kakang prabu apa gunane kakang mrentahake sehingga mateni wong suci?

    Aku kuwi sakwijining ratu! Dudu wong Sudra sampali, dudu wong dedagang kang itung- itungan bathi. Para brahmana, muni, resi kudu jumurung marang tumindhak ku, ora kok malah aweh sot? Sapa kang bakal ngalang-alangi tumindhak ku bakal putung, bakal tak rantas!

Kakang prabu keparenga kakang njabel kepenginan paduka, martabating negari menika yektosipun gumantung para ambeg suci.

    Goblok kowe! Mokal oh Kumbakarna, kowe tak kandani: martabating negari kuwi gumantung marang kawibawane raja, kowe ora percaya?

Entenana aku bakal nggempur kahyangan senajanta tanpa tenagamu kabeh, ing tembe sira kabeh bakal mulya, kinurmatan dening kabeh MENUNGSO ora sebab abadi akeh kekuatan ne para suci, sira kabeh bakal rabi widhodari ngerti? 

Derenging tekad Dasamuka nggempur kahyangan ora kena pinenggak, gumuyu latah suwi anjangkah maju marang pancabakah, para prajurit Agul-Agul wus siyaga ing ndhiri, amung kari ngenteni titiwanci bendhe beri tinabuh kinarya tanda lamun kudu maju perang ngrabasa kahyangan dewa.

gunung Jamurdhipa pinanjat wani, ginempur kang lawang selamatangkep. Cingkarabala lan Balaupata penjaganing kori, ton kuwawa mbendung sakehing wadya, para darundara ton manggapuliha adu kasekten lawan para wadya Alengka temah lumayu salang tunjang rebut dhujung.

Senajan para dewa tan kena ing pati, nanging kena ing lara lan giris aningali kridhane para raseksa kang yekti sura sekti mandraguna.

Tandange prabu Dasamuka liwung ngamuk unggung saknalika para Darundara mlayu marang repat kepanasanmatur marang Bathara Indhra pepuntoning rembug.

Bathara Indhra paring pilerem marang Dasamuka, ada widhodari kinarya tumbal: Bathari Tari, Kiswani, Tri wati nangging sranane Dasamuka wurung nggone ngrabasa kahyangan. 

Dasamuka nyaguhi karena sejatine gempuran kejaba neter kasekten, uga kepengin darbe garwa widhodari. Kinarya uga pengin mbuktiake ucapane marang adhi-adhine.

Dene Bathari Kiswani di paringake Kumbakarna, Bathari Tri wati di paringake Gunawan Wibisono. 

Banjur Sarpakenaka dirabekake raseksa kang aran Nopati.